الموضوع: يستأذنك لسرقة موبايلك

مرحباً أخواني كيفكم
هذا الموضوع صار لي أنا شخصيا في إحدي المجمعات التجاريه عند خروجي من المجمع عند البوابه
شخص ينادي :لو سمحت أخوي
انا مجطل وكأني ما أسمع
كرر قوله
وألتفت له وسلم علي
المهم آمر يابو الشباب
قال ابي أكلم من الجوال
قلت اوكي تفضل وانا واقف من مسافه قريبه منه
قال لي أخوي ادق عليه ولا يرد (قبل ما يكلم )قال وش رايك توديني له لأني نسيت مفتاح السياره داخلها
قلت له طيب انا مشغول ومستعجل
بدأ يترجى ويقول تكفى أهلي داخل المجمع ومادري وشو
المهم قلت له اوكي بس انا بوديك على طريقي وبمشي
قال اوكي ماصدق على الله وركب السياره
المهم وصلت للمكان اللي يبيه (صيدله يقول ان اخوه يشتغل هنا)
قال ممكن جوالك وكالعاده قلت تفضل
وكلم بنت او امه مادري المهم حرمه وطلبت منه دواء مو عارف وش أسمه او مو قادر يحفظه المهم قالي ممكن اروح أدخل الصيدليه ومعي الجوال
انا عارف هالصيدليه لها بابين واحد من الامام واحد من الخلف فكشفت لعبته وقلت له كلام أحس اني صرت مثل بات مان (قفلت حبات السياره وقلت له لو سمحت (خفت يسطرني )عطني الجوال وتفضل أطلع بره السياره ) وجههه طاح بالارض لأني قوي وكشفت لعبته بس تدروون لو انه سارق الجوال كان ذبحته توني شاري الجهاز جديد من أسبوع.
الـــــــــسؤال هنا متى تنتهى هذه الآفات من المجتمع¿


انتبهوا من عيال الحرام

مع تحياتي لكم:موادع غرام