الموضوع: الليالي السرمديه...احد ابداعات حامد زيد

بسم الله الرحمن الرحيم

احترامي لكل اعضاء جرحي الكبير

هذي احد ابداعات الشاعر الكبير حامد زيد

((((((((( الليالي السرمديه )))))))))

من عرفت العلم وانتـي يالليالـي سرمديـه
والوصول أغلى طموحات الفتى بأول شبابـه

والمهابه ماتهـادت غيـر لنفـوسٍ رديـه
ليت في قلب الليالي للفتـى قـدر ومهابـه

دنيةٍ تجمـع صفاتيـن الخجـل والعنجهيـه
كنها بنـت يـزود بحسنهـا ثقـل وذرابـه

يوم جتني تمتحنـي فـي زمـان الجاهليـه
جيتها رجلٍ تحلـى فـي تقاليـد الصحابـه

بالعطا تبخل علـي وبالعـذاب تمـوت فيـه
عشتها قلب شجاع يكـره الضيـم ويهابـه

بس ابدري وش نهاية وصلها وأخـر هديـه
وهو صحيح ان القصايد للجريح أول عذابـه

ومن عرف لك يالليالي وانتي اكثر من هويه
ومن تلحف في ترابك مقتنع باللي جـرا بـه

من قـدر طموحـه فـي زمـان المعمعيـه
مَن مِن الناس يتجرا يتركك وانتـي ترابـه

السـؤال يعيـد نفسـه والاٍ جابـه مبدئيـه
والقلوب اللي تخالف ودها صـارت تشابـه

والخلايق ماتسـوي طيبهـا جـود وحميـه
كلنا نضحـك بوجـهِ مبتسـم للغـدر نابـه

لو يصير الموت راعي .. كلبونا لـه رعيـه
لو زعل نزعل ونرضى لا رضى حضرة جنابه

والله اني مانويت اكشـف ملفـات القضيـه
لكن اني شفت شيٍ يفقـد العاقـل صوابـه

ياالحياه انتـي غديتـي بالغرابيـل اجوديـه
كنك اللي مايميـز بالخطـا غيـر ارتكابـه

ماعطيتي غير جرح ولعنبوها مـن عطيـه
والله انك ما عطيتي خير للقلـب وصوابـه

خاينه .. ما انتي عزيزة خافقي ياالأجنبيـه
جنبي عني وأجنب مـن مداخيـل الغرابـه

وأخذ بـدربٍ يـدرك للقـى روحـه وجيـه
يايموت الدرب ولا بدفـن القلـب بضبابـه

وان ذبحتني تمني رجعتـي وابكـي عليـه
لين تملين المحاجر بالبكا حـزن وكـآ بـه

وادفنيني بين ظلـك والخيـوط العسجديـه
لو لقيتي بعد موتي واحد بنفـس الصلابـه

شاعرٍ قدم قصيـده لاغلـب أيامـك ضحيـه
بين نـاسٍ مايطيقـون القرايـه والكتابـه

يازماني لو بقى للشعر فـي صـدري بقيـه
بكتبه وارسم خيالي بالورق وأروي سرابـه

وكـان ردت للعنـاد وعـودت للمقـدريـه
والله أني ما اتنازل ليـن اعديـه السحابـه

يازمانٍ مبتلـي بـه وابتلـى فينـي بليـه
لاتلوم اللي يخونك كان لـه عقـل ولبابـه

بقفل القلب المشقـى عـن هبايبـك العتيـه
ودق بابه من بعدها لو قـدرت تـدق بابـه

الحياه اللي تسمـي لعبـة الشاطـر خطيـه
ماتساوت في عيوني مع جناحيـن الذبابـه

أذكر أنـي كنـت عايـش بالليـال الاوليـه
وأذكر أني كنت عايش وقتها باحضان غابـه

ماعرفت إلا عبـارة مثلهـا مثـل الوصيـه
عيش عمرك ذيب تسلم من مخاليب الذيابـه


(منقول)

احلفي اكيد منقول