الموضوع: مزرعة الرعب..قصة تجنن

قصه مرعبه حصلت لعائلة

دخل الاب وكانو عياله في انتظاره واللهفه في عيونهم

الكل ساكت وينتظر الاب يتكلم

قطعت سحر حاجز السمط وقالت لبوها ها يبا بشر وش صار

قال الاب جبناها

هني الكل قفز من مكانه وهوفرحان

حتى وليد الصغير اللي عمره مايتعدا الخمس سنوات كان فرحان ويسأل امه يما معقول خلاص صار عدنا مزرعه

قالتله امه ايه حبيبي وقريب راح تشوفها وتلعب فيها لمن تشبع

قام خالد الاخ الاكبر وباس راس ابوه وشكره على اجمل هديه جابها لهم

المهم بعدها بيومين جات عطلت نهاية الاسبوع واصر العيال على ابوهم انهم يروحون للمزرعه

الاب حاول يثنيهم لانها لسه محتاجه لشوية ترتيب وتغير للأثاث خصوصا انه شاريها من جماعه أصلا كانو هاجرينها من كم سنه

لكن اما اصرار اولاده الثلاث ( خالد و وليد و سحر ) قال خلونا نشاور امكم ولما شاورها قالت لأبو خالد اذا عشان لعيال نروح وبالمره نرتب اللي نقدر عليه ونشوف وش ناقص وش محتاج تصليح وناخذ فكره عن المنطقه اللي حاولين
المزرعه .

قال ابو خالد توكلنا على الله

في اليوم الثاني وفي الصباح الباكر انطلقت الاسره متجه نحو المزرعه الجديده ولما وصلولها استغربوا من كبر المزرعه
كانت واسعه ومليانه اشجار ولها سور بأرتفاع مترين من الاسمنت فوقيه شبك حديدي بأرتفاع متر

نزل خالد من السياره عشان يفتح الباب وهو نازل سمع صوت حد يتكلم ويضحك ولما التفت وراه شاف رجل مع زوجته و ولدهم الصغير فارشين تحت سور مزرعه مقابله لمزرعتهم وكان باين عليهم من لبسهم انهم قروين
ولاحظ انه الرجال يلوحله بأيده ويسلم عليه رد عليه خالد التحيه مما لفت انتباه باقي اهله فناظرو ناحية العائيله القرويه
لقوهم يحيوهم وردو كلهم التحيه بأشاره من ايدهم

المهم دخلو المزرعه وبدو يتفقدونها وقامت ام خالد تجهز وتظف مكان في الشاليه القديم عشان قعدت الاسره

وبعد نزلو الاغراض ورتبو المكان واستقروا قررو انهم بعد الغدا ينقسمون قسمين قسن خالد و ابوه ينظفون حوض السباحه
وقسم سحر وامها و وليد ينظفون المنطقه اللي حوالين الشاليه من الحشائش والشجيرات

وماخلصوا شغل إلا واللي بدء يخيم وطبعا هم مقررين يباتون في المزرعه

ولما ارخى الظلام سدوله قعد خالد مع ابوه جنب الحوض يتسامرون وسحر وامها قاعدين يقلبون في اغراض حصلوها في صندوق قديم في احد غرف الشاليه أما وليد فراح في سابع نومه من التعب

لين الحين كل شي تمام ومافيه شي مريب

لكن اللي صار بعد كذا كله كان مثل لمح البصر وماهي إلا دقايق معدوده قلبت حال العائله كلها


نرجع للقصه

بعد جلسة سوالف طويله ابو خالد راحت عليه نومه أما خالد فقرر انه يتمشى شوي بالمزرعه ويتبع سورها عشان يشوف وين نهايته

وداخل الشاليه قامت سحر ودخلت الحمام والام راحت ترجع الصندوق الي لقوه لمكانه بينما صار وليد لوحده في صالة الشاليه

يعني الكل تفرق وكانه في حد ينظرهم يتفرقون

وهي حصل لكل فرد من العائله موقف كاد يطير عقله

في داخل الحمام كانت سحر تغسل وجها بس سمعت صوت مثل صوت الريح تدوي برع مع انه الجو قبل شوي كان تمام
وبعدها سمعت صوت مثل رفرفت الاجنحه بس كان الصوت يدل على انها اجنحه كثير فا قربت من نافذة الحمام

اللي كانت تطل على الجزء الخلفي للمزرعه عشان تشوف وش صاير برع لكن وهي تتقرب سمعت أصوات ماعرفتها كأنها مزيج بين اصوات الحيوانات او البشر

جمعت ماعندها من قوه وراح صوب النافذه وبصت

وياهول اللي شافته

شافت منظر خلى الدم في عروقها ينشف

وتسمرت مكانها من هول المنظر

شافت ناس اشكالهم غريبه واجسامهم ضخمه كانو يتساقطون من السما بأعداد كبيره ويحاولون يمرون من باب
المزرعه الخلفي بس مب قادرين من كبر حجمهم من هول هالمشهد سقطت سحر مغمي عليها

وفي نفس الوقت كان خالد بأطراف المزرعه وشاف الباب الخلفي للمزرعه وخذته رجله ناحيته عشان يشوف وش خل
خلف مزرعتهم

ولما طلع من الباب شاف الارض مبسوطه وشاف اثار غريبه باديه من عند باب المزرعه ورايحه بأتجاه تله قريبه منهم

قال في نفسه هذي اكيد آثار حيوانات خلي اتبعها وشوف وين توصلني

تبعها لين فوق التله والغريب انه الاثار انقطت فوق التله وكأنه اصحاب الاثار اختفو فجأه أو . . . . .

طاروووووو !!

المهم قرر خالد يرجع لداخل المزرعه وهو في طريق العوده سمع صوت وراه

لما التفت شف قطه سودا صغيره تلحقه تعوذ من الشيطان ولوح للقطه برجله عشان يخوفها فهربت القطه وختفت في
الظلام وكمل خالد طريقه بس بعد شوي سمع صوت وراه ولم التفت شاف كلب اسود يمشي خلفه

شال حجر عشان يخوف فيه الكلب وخاف الكلب وهرب

قام خالد يوسع خطوته شوي عشان يوصل للمزرعه بسرعه بس مادري ليش صار الطريق للمزرعه بعيد

شوي وإلا يسمع صوت صوت نهيق يكاد يكون مثل الزئير ولما التفت لوراه شاف حمار جاي يركض ناحيته بكل قوه

هني اطلق خالد ساقه للريح وبدء يعدو ويعدو الحمار يعدو من خلفه لكن الحمد لله قدر يوصل لباب المزرعه اول مادخل
وحاول يسكر الباب وراه ماشاف لحمار

بس المفاجأه انه بدل الحمار شاف رجل كبير في السن وجهه طويل وشكله مخيف وجسمه ظئيل

حاول الشايب يدخل بس خالد كان قفل الباب قال الشايب لخال (( أخخخخ فلت مني هذي المره )) وتراجع

الشايب للوراء وختفى في الظلام هني قام خالد يركض راجع صوب الشاليه

وفي نفس الوقت صحا الاب من النومه وها اصلا كان نايم برا على فرشه جنب الشاليه

المهم ابو خالد صحا على صوت على صوت غريب يصدر من جره كبيره جنب مطبخ التنور

وكانت الجره مغطايه بلوح خشبي راح ابو خالد يشوف وش السالفه

ولما كشفت الغطا شفا حرمه عجوز قاعده داخل الجره ومغموره بالماي هني ما تمالك نفسه وقام وقلب الجره

بس الغريب بدل ماتطلع العجوزر من الجره شاف عدد كبير من الافاعي يطلع من الجره

هني وصل خالد شاف ابوه وقبل لا يقص على ابوه اللي صار قاله ابوه خالد روح صحي امك وخوانك نحن لازم نمشي الحين

هز خالد راسه بالموافقه وراح ناحية الشاليه

وفي وقت سابق كانت الام في غرفه من غرف الشاليه تحاول تدف الصندوق تحت السرير القديم اللي لقوه تحته اول مره

هني سمعت صوت طرق على باب الغرفه الام فكرت انها سحر بنتها فقالت (( ادخلي يما تعالي ))

عني سمعت صوت مهب صوت بنتها صوت نسائي يقوللها انا ماني بنك سحر انا وحده ابغي شغله

من الصندوق اللي عندك عطني الشغله اللي ابيها وماراح ااذيك بس اجوكي لاتقولين هذيك الكلمه

قصدها لا تسمين بالرحمن

بس ام خالد من هول المفاجأه قامت تسمي وتستعيذ من الشيطان هني قامت الحرمه اللي ورا الباب تصارخ

وتهز الباب وتقول لأم خال افتحي انا ابي الصندوق وام خالد تقرء قرآن وتسمي وتستعيذ

والمره تهز الباب وتقول لأم خالد عطيني الصندوق مالكم شغل فيه هذا فيه ملابس عيالي

وزاد الهز على الباب حتى انفتح هني بغا قلب ام خالد يوقف وفجاه شافت ظل يقترب من الباب شوي وشي

حتى دخل عليها هني تكورت ام خالد على نفسها من الخوف وقعدت تسمي شوي ولا تسمع صوت ولدها خالد يقوللها ي
يما بسمالله عليج لا تخافي انا ولدك هنا قفزت الام من مكانها وراحت تجري تطم على وليد وسحر

شافت وليد صاحي من النوم ولاف البطانيه على نفسه ويقوللهم شفيكم

شوي ولا تطلع سحر من الحمام و وجها شاحب قام خالد ومسك سحر من ايدها وشالت ام خالد ولدها وليد وطلعو برع ا
برع الشاليه وهناك كان ابو خالد مشغل السياره وقربنها منهم وركب الكل في السياره ونطلق ابو خالد متجه

صوب البوابه وهم في الطريق مايشوفلكم غير ناس طواااااااااااااااااال يمشون بين شجر المزرعه حد رايح وحد راجع

هني قرر ابو خالد انه مايوقف عشان يفتح باب المزرعه بل قرر انه يدعم الباب بالسياره عشان يطلعون

المهم جطم ابو خالد باب المزرعه بسيارته وطلع وهم في طرقهم لشارع الاسفلت ولا يشوفولكم العائله اللي كانت قاعده
قاعده الصبح قاعدين مكانه ويلوحولهم بأيدهم هني بغا ابو خالد يوقف عشان يحذرهم من اللي شافوه

بس لما دقق النظر فيهم شاف نص اجسادهم مدفونه في الرمل ومو طالع من جسمهم إلا من البطن و فوق

هنا ضغط على دواست البانزين بكل قوه وانطلقو على شارع الاسفلت راجعين لبيتهم

وفي الطريق الكل ساكت ولا حد يتكلم

لين وصلو البيت

هني نزل وليد من السياره وكان لسه لاف البطانيه على نفسه ورا يجري ناحية حديقة البيت وفتح البطانيه

وطلع قطه سودا صغيره ونزلها في الزرع بس امه نادته وقالتله تعال وش تسوي عندكالتفت ناحية امه ورد والتفت للقطه
ناحية القطه وقاللها لا تطلعين صوت لانه محد يعرف اني جايبك معاي واشوفك بكرا

وخلت العائله للبيت وقفلو الباب واول شي قالته ام خالد لأبو خالد انها ماعاد تبي هذي المزرعه وقالتله يعرضها

للبيع تنهد او خالد وقال الحمدلله انها جات على كذا

وراحو ينامو بس مادرو انهم جابو معاهم شي من بقايا المزرعه للبيت...

انتهت القصه


((ملطووووشه لطشه محتررررمه بجد))