الموضوع: الارتباط بالذات!!

الدنيا .. يادنيا ..عمل وبناء وصفاء

اخذ وعطاء ..عقل وصراع.. وصل وجفاء

حقد وتناطح ..حب وتسامح وجنون في بعض الاوقات

تسوق الراغب للهفوات وتنمي داء حب الذات

والدنيا يا دنيا أمل للامل ونهر للسائل وبساط أخضر للخامل وسموم للغارق في بحر الذات

عبد المحسن او الليف


وهذا كله للعادات الي ما شفت ولا واحد كتبها عنها

مرحبا .. أرين ..
مشكلة الأرتباط ¡¡ تعود غالباً على الحالة النفسية للشخص نفسه .
وأعني بذلك مدى تعلقة بالمكان نفسه وعدم أنسجامة بغيره .
لكن هذا لا يعني الخضوع لرغباته وعدم تقبل الشئ نفسه بشكل أخر .

أما عن نفسي .. أفضل الجلوس في كل مكان هادئ بعيد عن الضوضاء والمشاكسات .
لربما عشت حياة هانئة .

تحياتي لكِ .

أريــــــن

الأرتباط بالذات

كل واحد تربطه علاقه مع اي مكان يكون الشيء هذا بناء على عدة أشياء
منها شعورهذا الشخص بالراحه والهدوء النفسي
واعتقد ان اي شخص اذا لقى مكان تسود فيه مشاعر الحب والموده والرأفه راح يتعلق فيه مهما كان هذا المكان وموقعه ....
فااي واحد اذا كان متضايق من اي شيء حواليه و يحب ان ينساه ومايتذكره او يحب انه يقعد مع نفسه ماراح يلقى احسن من المكان اللي يرتاح فيه نفسيا لأنه ماراح يقدر يحل مشكلته او يراجع حساباته اذا ماارتاح .... ورجوله طبعا هي اللي بتوديه لهذا المكان حتى من غير لا يحس

تعليق بسيط:

أرين ادري ان ودج تعرفين كل واحد منا شنو يحب او شنو الشيء اللي متعود يسويه
المهم انا بقول لج انا بالنسبه لي ماعندي اي مشكله فااي مكان ارتاح فيه اتعلق واتأقلم معاه ولابد ان القى لي سبب يربطني فيه حتى لو كان بسيط...
بس اكيد ان مالي غنا عن غرفتي الي كل زاويه فيها تحمل لي ذكرى .....
لأن فعلا الوقت اللي اتضايق فيه ماالقى الى غرفتي العون لي وطبعا قلمي ودفاتري .....
ثانيا مااحب الأماكن المزدحمه لأني فعلا ماراح القى راحتي فيها احب الهدوء التام ..... وخاصه هدوووء البحر ..... لأن فعلا اي شخص يتطلع بالبحر يووووصل معاه لأبعد مدىىى ويتذكر كل شيء حلوووو مر بحياته وحتى ان الهدوء والراحه النفسيه تساعد الواحد على حل مشاكله....
وكل شخص يرتاح باأي مكان يحب انه يزوره بااستمرار
بس مدري ارتباطي وتعلقي بقطرات له علاقه بالارتباط والا لااااا
شرايج ارين ¿¿!!
صرتي محلله لشخصياتنا ونفسياتنا
تذكرت بعد شيء اذا حبيت اني اقرأ شيء او اكتب مااحب يكون احد حوالي .... وان حصل الشيء هذا تقطع افكاري ومااقدر اني اجمعها مره ثانيه

ادري طولت السالفه وهي قصيره ماعليه اعذروني ماحسيت بنفسي
وماحبيت اني الغي شيء ....

تحياتي الحاره
أختكم
بنــــــتالبـــــاديه

")(