الموضوع: قصيدة (قصة عذاب) للشاعر طلال السعيد كامله

طلال السعيد

ماذا أقول في شاعر يحترق لينير بوهجه مسار هواه ¿ وهو على الرغم من شكواه التي جعلت
من فعل التداعي لوحة جمال ¡ يترك بين أيدينا أثر عاشق يدرك كيف يجعل من اللوعة مساحة
ذكرى تأخذ بمجامع القلوب ¡ طلال السعيد يعيش حالة قلق جارح ¡ ولكنه منتج لأنه استطاع أن
يبدع هذه اللوحة المعبرة عن حالة عشق لاتزال تتقد شعراً وعاطفة
ـــــــــــــــــــــــــ
قصة عذاب
ــــــــــــــــــــــــ

يا (علي) لامريت ذيك الروابي
.........إسلم وسلم لي على سيد الأحباب
سلم على اللي جرح جرحه سطابي
.........قلبي يبيه وخاطري منه ماطاب
سلم عليه وبلغه وش جرى بي
........قل له فراقه صعب وايامي صعاب
لامن فقدته طار عني صوابي
.......جرحي عميق ولا تداويه الأطباب
قل له (طبيب ألمانيا) وش لقى بي
......يومه يقلبني على كل الأجناب
سهم المحبه يا (الجنوبي) مضى بي
......والناس قبلي قالو الحب غلاب
الـلـه من سر على الناس غابي
......مخفيه ما ابديته ولا ابديت الاسباب
معاي في مشوار عمري مشى بي
......جَوَدت مقضاب وهَديت مقضاب
أنا هوى قلبي سبايب ذهابي
......محبوب والمحبوب نهاب الألباب
العام يسألني وينتظر جوابي
......سؤال ما يخلي من الشوق وعتاب
يقول تنسى كان وقتي نحابي
......وابعت عنك وصار بالجو ضباب
قلت الغلى بأقصى الضمير إلتوى بي
......ما انساك لو حطوا على راسي تراب
يا (علي) لو تدري بقصة عذابي
.......ما لمتني يوم اصفق الباب بالباب
يا (علي) لو أشكي على طفل مابي
.......يشيب لو ان قبله الطفل ماشاب
يا (علي) لو اشكي على النور مابي
.......يغاب لو هو قبله النور ماغاب
يا (علي) لو أشكي على الذيب مابي
.......يهاب لو ان قبله الذيب ماهاب
يا (علي) لو أشكي على البحر مابي
.......يروب لو ان البحر مابعد راب
يا (علي) لو أشكي على للجبال مابي
.......ترتاب لو ان الجبل صعب يرتاب
يا (علي) لو أشكي على الصلب مابي
.......يذوب لو ان قبله الصلب ماذاب
يا (علي) لو أشكي على الطير مابي
.......لانوح أنا وياه واجيب ما جاب
يا (علي) لو أشكي على الليل مابي
.......لاصير أنا والليل للفجر بحراب
يا (علي) لو أشكي على الناس مابي
......تشيب شبان ويموتون شياب
يا (علي) ما ادري وين حظي رمابي
.....والـلـه ما خليت للسيف مضراب
يا (علي) والـلـه ما هناني شرابي
.....وقتي يحاربني مثل حرب الأعصاب
أناوقـلـبي بين عــدل وعَـيَـابي
.....أهرب من الحيه وأوَقف على الداب
يافرصةِ ضيعتها في شبابي
.....مع الأسف راحت خساره وانا شاب
الطيش مِطغيني ولا احسب حسابي
.....عنها العوض عضالبراطم بالانياب
آسف على فرصه تجي عند بابي
.....اشوفها بالعين ما افتح لها باب
تنخى تقول إفتح وانا اقول مابي
.....رجال يطرد فرصته طردة كلاب
فرصة عمر راحت سوات السراب
.....ضيعتها ياخوي في ديرة أجناب
هي سبة أحزاني وكل اكتئابي
.....ياليتني خبيتها بين الاهداب
أنا معاها من أول العمررابي
......وانا عليها جرح ينزف ولاطاب
أحبها قبل ان تحط الخضاب
......واحبها من قبل لا تلبس حجاب
العمر يمضي والغلا باضطراب
......لاقلت ينقص زاد وان شبت ماشاب
كنه قبل ساعات يوم التقى بي
.......وحبي بدا وياه في ساحة ألعاب
أول شعوري يوم حط الغلا بي
.......غيره غلا تبدي بتفتيش الاجياب
من يوم حط ايديه وسط المخابي
.......شميت أنا ريح الغلا بين الأطياب
ولا زال ريح الورد يدمي صوابي
.......من يوم أشمه قلت وش جاب .. وش جاب
حِبِ انولد بديار حمر العلابي
........حب انولد بالشمس ماهو بسرداب
حب على وضح النقا مايهاب
........سوق الغلا لقلوب الاحباب جلاب
حب لروح الروح حدر الثيابي
........اسمه غلا يعني غلا ماهو اعجاب
خبيت صورتها معي في كتابي
........واخفيتها عن كل ربعي والاصحاب
الناس تدرس في (علوم) و (حساب)
........وانا دروسي صورةً داخل كتاب
منها عليها اغار وأحلف غيلبي
.......مني علي تغار ماتحسب حساب
لاوامري تخضع وتحشم جنابي
.......وهي بنفس الوقت تخضع لها رقاب
مهيبه غيري ومني تهاب
.......كم شارب لا من سمع باسمها هاب
مضت سنين أتعبت فيها ركابي
.......أرجيأمل مابين صادق وكذاب
جرح قديم ماهو توه بدابي
.......ماجور ياقلب تحمل ولاعاب
لا الصبر ثايبني ولا الوجد ثاب
......حتى التزمت الصمت والصمت ماثاب
من جرب الحب الحقيقي وتاب
.....راعي الهوى كذاب لو تاب ماتاب
الـلـه من ليل طويل سرى بي
.....من رآس مرقاب على رآس مرقاب
أقفت سنين العمر أنا وش بقى بي
......بالمختصر من غير تفصيل واسهاب
اللي حرمني رغبتي في شبابي
......رجل من رجال عريبين الانساب
رجل الرجال الشهم ماهو بهابي
......لاقال طال وكل ما يطلب يجاب
قرم طويل ذراع سمح الجناب
......ينخونه العربان في حزم كلاب
رجل بلاني وابتلى وابتلى بي
......طلايب طالت ولا حلن انشاب
يالـلـه تنوي به مثل مانوى بي
......يفتر به من سِبة الحب دولاب
ويذوق حب الفاتنات العذابي
......ويصير مثلي يصفق الباب بالباب