الموضوع: حبيبي لاتحط عيني بعينك....

يا حبيبي ارجوك لا تحط عينك بعيني
اخاف تنطقلك بشي ماكتبته اقلامي..

اخاف تشوف اهموم واحزان تغطيني
اخاف تشوف الاه بعيني صارت تنامي..

اخاف تشكي وتحكيلك وتقفل فمي بيديني
وتشكيلك عن الواقع وتهيم بعالم احلامي..

وكيف الدنيا دوم تقدر تبكيك وتبكيني
وتسحب مننا الفرحه وتهدينا جرح والامي..

وكيف امواجها بالحظه تفرق بينك وبيني
ولا تسال وتتركني اصارع موجي قدامي..

وكيف الخوف بناله بيت ولعب في حسبة سنيني
وصار مسيطر بقلبي ونحت اسمه على عظامي..

وكيف واجهت انا دنياي وضعفي ساكن فيني
ابين قوتي بالحظه واخفي جرحي الدامي..

وكيف العب على نفسي بفرح يزهر سنيني
وكيف اتقن معاه الدور واسكت كل لــوامي..

وكيف دمعي يقويني ويغسل كل ما فيني
وكيف يسير عيوني مثل خيل بلا لجامي..

واخاف يخونها التعبير وتقلب لك موازيني
وتخلي عالم الواقع وتبدى لحظه احلامي..

وتكشف خافي جــنــون بها الدنيا يحليني
جنون كنت ولازلت احفظه اغلى وسامي..

واخاف تبين كيف انك قدرت بيوم تهنيني
وترويني بدفاء قلبك وتسقي حبي الظامي..

وكيف الكلمه من فمك تموتني وتحييني
وكيف اكرهك في قولي وحبك شمعة ايامي..

واخاف تقول لك دايم خل يديك بيديني
خلني اعيش في قربك قبل ما عيني تنامي..

واخاف تترجى عيونك تبقى وما تخليني
وتكون ملجى لقلبي لضاق الكون قدامي..

واخاف تقول لك انك بتجي يوم وترثيني
اذا ابعدت في لحظه عن قلبي وايامي..

حبيبي ارجوك لاتخلي عيونك تنظر لعيني
اخاف اقولها واصرخ,, احبك احبك