الموضوع: خواطر الروح

:73_73:

خواطر الروح جت تنساب من خاطر

من قلب مجروح بيّن خافي شعوره

لا اليوم يرتاح لا راحه مع باكر

من يوم راحت ونفس شبه مكسوره

البرق يبرق وخان غيومها الماطر

متى القمر غاب عنا واختفى نوره

والشعر ناقص عجز لا يكمله شاعر

أبيات فوق الورق بالحبر منثوره

هي حظي الزين ولا حظي العاثر

او هي يا ترا عبير الورد وعطوره

هي شيء ملموس ولا عقدة الساحر

ولا بكثر الألم والزين مغروره

هي مطلب الحب ولا مطلب الكاسر

ولا لكسر المشاعر ماخذه دوره

هي راحة الروح ولا دمعة الناظر

والا براكين هم وجالها ثوره

هي بلسم النفس ولا لفة الغادر

او يا ترا هي عذاب القلب وسروره

خواطر الروح عقبك تكسر الخاطر

سؤال واضح كتبته فوق سبوره

يا هل ترا ما مضى من حبنا العاطر

يرجع بعد ما اقلعت الحب بجذوره