الموضوع: سألته وش بلاء صوتك حزين...

سألته وش بلا صوتك حزين

قال ترى قريب بنفترق

قلت أنا احبك مخلص ووافي وأمين

قال القدر حكمه سبق

قلت والمحبه الي فينا من سنين

قال للأسف راح تحترق

قلت وبكاي ودموعي والأنين

قال أفراحي بعد بتنسرق

قلت ولما ياخذني شوقي والحنين

قال بدموعك اغترق

قلت لو ماعرفت أعلمك..









أنت بحياتي الملك

انت بروحي أحملك

انت حروفي تجهلك


عندي سؤال أبسألك..

لمين أشعاري بعدك تنكتب

امنهو بعدك بها الدنيا أحب

_منهو يستاهل دموعي والتعب

جاوبني أقنعني لو كذب


أنا من بعدك حياه مابها غيري أنا

لاصديق ولارفيق عني يشيل العنا

وحيد متعب غريب ماعرف طعم الهنا


أنا بعدك رماد يلعب به هبوب الرياح

أنا من دونك ليال تنتظر نور الصباح

أنا من دونك جسد مابه غير الجراح


قبلك ماعرف قلبي بها الدنيا أحد

معك عمري أخذ مع الفرحه وعد

بعدك ماراح أحب غيرك أبد








أبسألك..

ليه علقتني وحببتني وجننتني فيك

دامك تعرف ان الوصل ماهو بيديك

دامك تعرف ان القدر أقوى عليك

دامك تعرف اني أحبك وأعشقك وأموت فيك

واني أزعل لازعلت وابكي من حزنك وأجيك

رغم اني ماجرحتك أعتذرلك وبالمحبه أرتجيك

همي بالدنيا رضاك لأني أحتاجك وأبيك

رغم شوقي لحظنك أحظنك وما أشتكيك

أخفي دموعي عنك وأضمك وأخاف عليك

حتى ماتعرف عذابي وحتى ماتشوفه عيونك

تصور كل هالمحبه منهو مثلها بيعطيك





ليه ماقلت خل حبك لي مثل حب كل البشر

لاهموم ولا دموع ولا حزن فيه وقهر

لا اشتياق ولاجنون ولاحنين ولاسفر

ينتهي بكره ويموت وما يبقى له أثر

حب مايعرف أنين ولابكاء وتعب وسهر

كان رحمت عيوني وقلبي وروحي والعمر

كان ماعرفت طعم الضياع الي طعمه حيل مر

كان ماعرفت ان الثواني في غيابك مثل الدهر







أنا عارف..

ان الي اجبرك هو وقتك والظروف

وان عذرك ماتوفيه الحروف

وانك أضعف من مجاديف الصروف

لكن..

لوقلت من أول انتبه بحري عميق

وان عمرك ماتكون الا غريق

وان روحك راح تشتعل مني حريق



كان رحمت ضعف قلبي والمشاعر

كان قدرت تمنعي دمع المحاجر

كان رحمتني من طعن الخناجر




والحين..

مابقى غير الفراق الي نقش جرحه بروحي

ومابقى الا اني أشتكي حزني وجروحي



أببعد عنك وأحاول قد ما أقدر اني أنسى

وأعترفلك ان فراقك علي أقسى

من طعون ومن جروح بروحي لها مرسى











اسمعني..

اجمع شتات جرحك وارحل عني بعيد

ورجع قلبي لصدري واترك عمري وحيد

وانس اني كنت مغرم فيك وبحبك عنيد

ولو لمست فيني قسوه خلت جروحك تزيد

سامحني واعذرني يالي حبك كان عيد