[ALIGN=CENTER]في عيونك ودّ وصدود ورضى ..... وفي اللواحظ شفت نظرات العِتَاب

شفت سهم الموت فيهن واختفى ..... في ضميري يوم ضيعت الصواب

لاتعاتبني على شيء مضـــــى ..... تـِسْمَـــح الزّلات تِجْزى بالــثّواب

بك أنا آمـنت وبحكــــــم القضا ..... كل شي يـكــــون توجد له اسباب

يــا حبيبي بــيــنــنا ود وجــفا ...... في محبــتـــنــا تبادلنا الـعـــــــذاب

مـــن يعالــج لا طبيب ولا دوا ..... ولاخبير اختص في طبّ الاعشاب

كم أحـــــاول ثم أحاول في اللقا ..... وأحاول ثم أحـــــاول في اقتراب

الصَّدى عنّي ولا عنكم صدى ..... من يردّ الصوت وحضوري غياب

آه واعـــزاه من جــفـــــنٍ جفا ..... جَرّ سهــــد النوم عن عيني وغاب
--------------------------------------------------------------------------------
ياللي زعلت إزعل ولاني مراضـيك ..... أشرب كدر ماي البحر كانه أرضـاك

لا تحسب أني عقب صدك بداريـك ..... بأعز نفسي عنك مـدراك مــدراك

أربـع ســنين وأنا متحمـل تغليك ..... راضي بتعذيبك لأجـل قلبٍ أغـلاك

وخليتني واليــوم والله لأخـليـك ..... وأدوس قـلبي لينـه يقـول خـلاك

قبـل توريني الحسـاير بأوريــك ..... ليمن يقـال فـلان هانـك و ورآك

كـانك تحداني فأنـا أقبـل تحـديك ..... وأنسى الغـرام اللي مـضى وأتحداك

مـاني بقايـل لك عسى الله يهنيـك ..... الله يحـرمك كـل مـا كان هنّــاك

عـسى العمـى ياخين العهد يعميـك ..... فوق الغرور اللي عن الماضي أعماك

وعسـاك ما تسمـع قريب يناديـك ..... حيثك تجاهل صوت محـروم نـاداك

وعسى الشلل يعـوق رجـلٍ تمشيك ..... لـينك تنـدم ليـه غـيرت ممشـاك

وعسى حياتك بس فرحـة لشـانيك ..... يلقى بها الفـرصـة عدوك ويشناك

وعسى الليـالي اللي تجيني بطاريك ..... يصبح عليها الصبح ويموت طريـاك

وعسى المنـام وكل راحة تجافيـك ..... آمين حتى اللي تمنــاه يجفـــاك

وعساك ما تفـرح وتكثر بـلاويـك ..... وأمك تشـق الجيب من عظم بلـواك

وإلى مت جعلك في جهنم تصـاليـك ..... نار الجحيم ونار دنياك تصـــلاك

الله يكـره فـيك حـتى دوانيــك ..... غشـاش خـاين من من الناس داناك

هذه النهايـة روح والله يجازيــك ..... أمسـك ويومـك عنهم الغد يجـزاك
--------------------------------------------------------------------------------
من يغرس الشوك ما يجني ورود....ومن يطفي الشوق ما يلقى دفا
لا تظن ان الجفــــــــا مني صدود....لا وربي لا صدود ولا جفــــــا
زاد حبك زاد عن كل الحدود....وانت ادرى بالخفوق وما خفـــــــى
من غلاك نسيت نفسي بهالوجود....يا وجود غيره ابدا ما صفــــى
لا تقابلني حبـــيــبــي بهالبرود....تو حــبـك مشتعلني ما انطفـــــى
يوم انا ضحيت ما اقصد جحود....للأسف كان السبب زود الوفـى
جيتني بالغدر وانا جيتك((عهود))....صادق الاحساس وشلون اختفى
كيف ما قـدرت وضعي والــقيود..انــشغلــت بــدنــيــتــك عني افــــا[/ALIGN]