الموضوع: قصيده.......واعتذاااار...

السلام عليكم

وكل عاااام وأنتم بألف خير وصحه وسلامه إنشاءالله

واعتذر عن غيابي وعدم تواجدي معكم ايام العيد

والله مشقيني غيابي ومتلهف للرجوع 00 والمفارق ادعي ربي ينتهي حلوه ومره
والله مقصر معاكم ولاتحسبوني قطوع 00 ويشهد الله ابتعاااااادي يفتخر مثلي بعذره


*******


اضع بين ايديكم هذه القصيده والتي اتمنى ان تنال القبول والإستحسان منكم ..

صهرت الحرف كونته جعلته ساحر و فنان
رسمت الكلمه إللي تكونت من بعض تكويني

عشقت الحرف ليش إنه يصور صرخة الإنسان
و أنا صرخه بصدر الشوق و شوقك ما يكفيني

قبل ما ترسم البسمه حياتي قول أنا ولهان
تكلم جسد الإحساس في عينك و في عيني

هلا و شلونك و كيفك ترى ما تحرك الأشجان
أنا محتاج لشواقك تفجر كل ما فيني

برودك عاش في دمي..قصيده ما لها عنوان
سكوتك يبتدي عندي و صمتك صار ينهيني

تحرك يا جبل من ثلج إصرخ قول أنا عشقان
لصوتك أو قصيدة حب أو هجران يكويني

قصيدي ينتحر عندك إذا شافك بلا وجدان
و لا إحساس ينعشني و لا كلمه تدفيني

شعورك لغز حيرني و حولني إلى بركان
تكلم قول أنا ما بيك قطع كل شراييني

شياطين القصيده تشتكي للجمر للنيران
و كل الصمت حطمهم و ماتوا كل شياطيني

أنا خطّيت بحروفي قصيده إسمها الحرمان
يموت الحرف يحيا الحرف و أنا موتي بسكيني


للأسف تخونني الذاكره في اسم الشاعر ..

اعتذر من الجميع

اخوكم

فيصل