الموضوع: بحــــــور الحب

أحبك

أحبك .. أحبك :hearts1:
أحبك كثر خطوات الثواني
كثر ما تبكي في الصمت المعاني
كثر ما تشهق أمواج المواني
أجي مثل الربيع
غرقانه بالواني
أجي وياك
وردة تخاف بستاني
طفلة شايلة أحزاني
أجي وياك
واتبع سر ناداني
اتبع صمت ناداني
وأحاول وأنت ما تدري
أحاول أنا ولساني
أحاول و اخسر ارعاني
أحاول وأنا في ضعفي
أحاول أنهي بركاني
وأحبك :hearts1:
أحبك:hearts1:
أحبك:hearts1:
كثر خطوات الثواني . . كثر ما تبكي في الصمت المعاني
كثر ما تشهق أمواج المواني

إلهام البدر

مساء الغلا للجميع

عــذاب أنتظــــارك

الروح تشكي من عذاب انتظارك
و لعتني واقـفيت و الناس يدرون
أرحم محب في هواك استجـــارك
العين تسهر و الخلايق ينامون
أمنــوّ ل حطــيتني مسـتــشارك
واليـــوم تبعد ياهـوى البال وشلون
ابعــدت عني و الحشـا فيه نارك
ناراً لهــا كل البشـر مايطـفون
ودي معك طول العمـر في ديارك
ماهمني ناســا علينا يهرجون
لو أتهـزمني راضيــه بانتصارك
لو كان عدواني بهـا النصر يحكون
تكفي تخفف لوعـتي باعتذارك
مادام انا مغرم لشـوفك ومفتون
انا الذي صوب خفوقي عيارك
ورغم الصــواب متيما منك ممنون
...............
كلمات رائعه للشاعره
الملتاعه


تحياتي وأشواقي

قول أحبك



قول أحبك
يبتسم عالم خيالي
واحلم اني مالك الدنيا لحالي
اشتري كل النجوم من السما
وما اخلي ورده تشعر بالضما
واقر للريح القصايد
والبس الحكي القلايد
واتعطر من وجودك
انتظر حالي ردودك
وانتظرها كلمة وحده
انتظر كلمة احبك
قول أحبك

قولها خل المسافه
تقترب اكثر واكثر
قولها ماهي حسافه
يمكن الاحلام تكبر
ونتلاقى حتى لو صعب الكلام
يكفي ادري عن شعورك والغرام
اهدني طوق النجاه
خلني احيا الحياه
قول كلمة احبك
رجع لقلبي صباه
قولها ماظن تندم
يامنى القلب وغلاه

قول أحبك
ليه خايف
هذا انا واحساسي قدامك وشايف
مدري كيف
ابدى حبيبي مرتبك مثلك وخايف
يارجى الملهوف تكفى
لم باقي الشوق يدفى
واحضن الشوق بوجودك
خلني داخل حدودك
دام هذا الشوق فينا
والهوى يركض يبينا
قولها مره حبيبي
ينتشي الحب ويجينا
قول أحبــــك

فيصل بن تركي

صباح الأشراق والطيور المغرده على الجميع



ابسأ لك وبذمتك
هذي الورود اللي مرتك ماشمتك ..¿¿
وابسألك ..
هذا الجسد ليه ارتجف
ليه لونه انخطف !!
يوم رنت ضحكتك
وبسألك
ليه تسمح للزهر...جوري الزهر
يسرق نضاره وجنتك ¿¿
وليه الفجر .. يهدي عمر من بسمتك
وليه القمر فجأه اختفى.... نوره خبا ¿¿¿
لحظه تبارت طلتك
وبسألك ذيك العيون
اللي حيل ...حيل ضمتك ما وحشتك ¿¿
وبذمتك شوق دفين
وعمر ضنين
وليل كحيل ما يلين
ما فكرك بذيك الليالي الماضيات
بذاك الربيع
بذاك الحنين اللي مايضيع كل الحكي ما ذكرك ¿¿
يوم سألتك.... وبذمتك
ذيك الورود اللي مرتك ... ما شمتك ¿¿

للشاعره { مزون العطر}
----------------------


تحياتي وأشواقي

اهلا فيك اخوي قلب مسافر ... اسعدنا حضورك بالموضوع .. وتمنيت نشوف قطرة من قطراتك بالموضوع

يكفي تواجدك :019:

ـــــــــــــــــــــــ
صباح الحب

كتبت الشعر لعيونك وهمي فالحياة رضاك
واشوف اشعارك بغيري ولافكرت ترضيني
ابزرع حبك بشعري ولو صار القصيد اشواك
ابجني زهرة اشواكك ولو طاريك يدميني
وباخذ عاصف همومك-ايمطر - لك حنان وهاك
بقايا فرحة ايامي عساك تكون مشقيني
تفضل واشرب افراحي - تقهوى- والفرح يفداك
تعال وصب لي همك وأنا بسقيك من عيني
اسيرك وانتظر عمري احس ان القتل فرقاك
وإذا قررت هجراني بكت تبغاك سكيني
تخون دروبي الخطوة - اشوفك - بس كيف القاك
أحس انك قريب حيل ولاتوصلك يديني
بدور احساسي الصادق ضياها ينتشر بضياك
تموت انواري لغيرك وتنساني عناويني
" صباح الحب " ياحب يعيش ودنيته طرياك
أحس انك هنا ايامي ولو ماكنت تطريني
يفوح من الزهر عطره ويبقى القلب مع ذكراك
وهج ذكراك في قلبي بعد صدك يدفيني
رهنت أيامي وعمري على شاطئ بحور شفاك
بكلمة تفرق افراحي وكلمة منك تحييني
ـــــــــــــــــــــــــ
الشاعر : مسرى بدر

صباح الخيرات والمسرات


لا والذي سواك ما أريد سلواك
ما اخبر به نفس تمنت قدرها
وكان التفرق ياداعج العين عناك
أنا الذي روحي عذابه صهرها
والله لو ما اعي..نفسي برجواك
واجزم وكاد انه يهمك خبرها
لا طفى شعاع العمر..لا غيب ضياك
عميت عيون ما يطولك نظرها
اغلي حياتي من ثواني بها القاك
لولاك ما تسوى حياتي كدرها
ودنيا خلت من صافي الود وياك
ياعل تكسف شمسها مع قمرها

{ بدر بن عبدالمحسن }


تحياتي وأشواقي

بنت الــــــــباديه /عسى اوقاتك كلها مسرات مثل مااسعدتي الكل بكتابك الشعر الجميل وعلى كل حال كتابتك له هى الجميله وليس هو وانا ادلك على قائله اسمه ( المحير )¿

حظك

حظك إني احبك
وشلون ضيعت الطريق
وضيعني قلبك
لو إن جرحي يهون
والدوا دمع العيون
لك بكيت العمر كله
انت قلبك حجر خالي من الحياه
وانا قلبي يسع هذا الكون كله
خذت أنا درس العمر
ولو إنها منيه
وتقول هذي بقايا
جروحك هديه
ولو بكيت ألف نهر
من الدموع
من يقول إن الدموع تكفر خطيه¿
وحظك
إني أحبك



مليحه الفودري

احبـــــك

احب ايدي بعد مانامت بأيدك
احب انفاسك وهمسك .. احب شوقك وتنهيدك
واحب حتى الغلا منك
واحب شعرك وتغريدك
واحبك همس بشعري عجز حرفي بترديدك
واحب رعشه ايديني .. امل منوى مواعيدك
ولهفة عيني لعينك .. جمال وفتنة مواعيدك
احبك حب ماقد شافته عيني
ولا مر خاطر العشاق
احبك لمسة القطرة
على شفاف الزهر مشتاق
واحبك فرحة الخاطر
إذا حن الصدر أو ضاق
واحبك دقة حيرى .. تنادي واله خفاق
واحبك.. واحبك
بس ما اقدر اقول اكثر
كفاية كلمة ترقى على متون السما قربك
وهذي حروفي ياعمري تهمس لك
:h22:انا احبــــك:h22:
ـــــــــــــــــــــــ
المحرومه