[align=center] سلامي على اللي نظرته للنظر خطاف
فرق بالحسن بد العرب زين الاوصافي

علامك توارى من عيوني ولاتنشاف
وتقطع نظرها من هدب عينك الزافي

انا ماهقيت ان المحبة معك تنعاف
الين ابتليت بصدك الشين ياكافي

اذا جيت اباقول الهوى من حياتي طاف
تذكرتك وضيعت حسن التصرافي

يقولون درب الحب يخلي الشجاع يخاف
ويزري بحاله عقب ما كان متعافي

وانا اقول وين اهل النصايح قبل الاتلاف
ومن قبل لايحوس الهوى وقتي الصافي

سقا الله زمان ٍ فات فيه القلوب نظاف
هذاك الزمان اللي عليه التحسافي

ومدام شوفك ماحصل ماعلي اخلاف
بداوي جروحي يا سبب جرحي الخافي[/align]