الموضوع: برنامج شباب ...¿

[align=center]بسم الله الرحمن الرحيم

السلام عليكم ورحمة الله وبركاته وغفرانه ...

هلا والله بالشاطر اللي قاعد يقرأ ...

هلا باللي عنى وعطل أشغاله عشان يقرى هالموضوع ...

هلا به كثر ملح الزين في تقسيمت محياة ...

<<-- بداية شعرية موفقة ......

شوفوا الكتاب مثل ما يقولون باين من عنوانه ...
وانتم ما دخلتوا الا عقب ما قريتوا العنوان يعني تقريبا تكونت نصف الفكرة ...

مابي اطول وازعجكم ...

كل مافي الامر اني يوم الاحد اللي قبل امس جا – كالعادة – برنامج شباب وأنا اقصد الحلقة اللي عن الزواج اللي كانت بتاريخ 20\7 والله اعلم ...
معي ...

انا طالت اعماركم ما تابعت الحلقة ولا ادري وش صار فيها مهب تطنيش لا والله والنعم في ذاك البرنامج واللي فيه والنعم والله في مذيعينه عبدالرحمن وعلي والسبع تنعام بعد فيهم وفي كل من له يد في هالبرنامج لانه هادف وناجح ويناقش في قضايا جدا حساسة وواقيه كثير عكس بعض البرامج اللي تاخذ مسائل تافهه وتناقش في مواضيع اتفه وابيخ ... ¡ ... لكن الظروف ماخلتني اشوفه ولا عطتني فرصة اني اشوفه في الاعادة الا خمس دقايق بس الظاهر اني ابحللهن لاني اتوقع اني سمعت اهم شي في ذيك الحلقة ...

تدرون وش سمعت ... اللي شاف الحلقة بيفهم واللي ما شافها بنشرح له ...

سراحه انا ما لحقت الا على الفقرة اللي كانت خارج الاستديوا – بالشوارع – وكانوا يسالون الشباب = حتى ما سمعت ولا وشوا السؤال = بس سمعت اجابات بعض الشباب ( هداهم الله ) وقهرتني جدا وجا نتيجة القهر هالموضوع ...

شوفوا هذي بعض الجمل اللي قالوا الشباب للمذيع في البرنامج ...
>< ترى الكلام مهب بالضبط بالضبط بالضبط لا انا اقول تقريبا ><
[line]
& الشباب للأسف وين يروح مافي مجالات مفتوحه قدامهم ...
[line]
وآخر يضيف ..

& احنا الشباب نحتاج لاماكن ننقضي وقتنا فيها مثل الانديه ..

فرد عليه المذيع انه فيه انديه وبأماكن متعدد .
.
تدرون وش قاله ...¿

الاندية الموجوده من الصبح لين 12 او من الساعة 7 – 8 لين الساعة 12 – 1 بعد منتصف الليل وهذا الوقت غالبا ما يكونوا الشباب نايمين في هالوقت يعني لو كان وقت النادي من الساعة 1 – 2 من الليل كان احسن ...
[line]
ويغرد أحدهم قائلا ..

& للأسف احنا الشباب نحتاج لرعاية واهتمام ...
[line]
وأخر يقول ..

& دائما تلاقي الشباب يضيعون اوقاتهم في الانترنت او في التسوق او في التفحيط او التمشي بالشوارع ( الدوران ) او في لعب الكرة يعني كلها لتضييع الوقت ...
[line]
وترددت كلمات من كل جهه لكن مع الاسف ذاكرتي ما خزنت الا هالعبارات التقريبية ...

وبعد ماسمعت انا هالكلمتين حبيت اطرح سؤال قبل ما اكتب أي تعليق على اللي سمعته واتمنى من كل شاب يدخل ويقرى هالموضوع يرد عليه لشرط انه يكون بكامل قواة العاطفية والعقلية ويكتب بكل صدق لان اجابته تعتمد على شخصيته ...


السؤال


[glow=FF0033]ماذا يريد الشباب¿[/glow]

وتقبلوا تحياتي.[/align]