الموضوع: الشيخ شالح بن هدلان القحطاني..

فأجابه شــالح بقوله :






ضيف الله اشرب ما شربنا مراره
اصبر وكنّـك شالـحٍ يـوم حَـزّنْ

راح الفديع اللي علينـا خسـاره
واخذ قضاه عبيد حامـي ثقلهـنْ

يمنى رَمَتْ به ما تجيهـا الجبـاره
اللي رمت بعبيد فـي معتلجهـنْ

من نسل ابوي وضـاري للشطـاره
يصيب رمحه يوم الارمـاح يخطِـن

وعبيـد خِللّـي طايـحٍ بالمـغـاره
عليه عكفـان المخالـب يحومـن

وعادتنـا بالصيـد ناخـذ خيـاره
ثلاثة الجذعـان غصبـن بـلا مَـنّ

يا قاطع الحسنى ترى العلم شـاره
لابـد دورات الليالـي يـدورنْ

حريبِنـا كنّـه رقيـد الخـبـاره
خطرٍ عليه اليا توقـظ مـن الجـن

مانـي بقـصـادٍ بلـيـا نـمـارَه
أجدع نطيحي بالسهل وإن تلاقـن

من حل دار الناس حلـوا ديـاره
لابدّ مـا تسكـن ديـاره ويغبَـنْ

ومن شق ستر الناس شقوا ستاره
ومن ضحك بالثرمان يضحك بلا سنْ

وان كان ضيف الله يعسف مهاره
فمهارنا من عصـر نـوح يطيعـن

تِدنَـا لِصِبيـانٍ سُـواةِ النـمـاره
شهـبٍ لماضيـن الفَعَايـل يعَنّـنْ






وهنا نوح شالح عن مقتل عبيد بن تركي بن حميد وأنه أخذ ثار الفديع وأشار الى مقتل الثلاثة شبان وهم سلطان بن محمد بن هتدي بن حميد ونايف بن محمد بن هندي بن حميد وابن عم لهم .. نرجع الى الصبي ذيب بن شـالح , فعندما بلغ سن الرابعة عشرة كان ابوه قد دربه على ركوب الخيل , وذات يوم اجتمع الشيخ محمد بن هادي (إبن قرملة)مع مشائخ قحطان ولم يدعو شالح للحضور الا في اخر الاجتماع , فغضب شالح من هذا الأمر فقرر الرحيل الى قبيلة الدواسر وقد رحل فعلاً وحاولوا ان يرضوه ولكنه أصر على الرحيل وأرسل لهم هذه القصيده :






أنا لِيَا كثرت لَشَاوير ما شِيْرْ &وحلفت ماتي بـارزٍ مـا دعانـي
لامن وطيته قاعد رحت انا اسير & شوره قداه وشوري اللي قداني
واناجا حساسٍ عند تالي المظاهير & جيته على صفرا تلوك العنانـي
وانا صديقه في ليالي المعاسير & والا الرخا كـل يِسِـد بمكانِـي
شُوري لِيا هَجّت تُوالي المظاهير & شلفَا عليها رايب الدمّ قَانـي
شلفاً معوّدها لجدع المشاهير & يوم السّبايـا كنّهـا الدّيدَحانـي
شلفا وريع من وساع المطايير & يفرح بها لاحان راع الحصانـي
مانيب حداي الظعن كني الزير & ولانيب بياع الغتـر مربحانـي
ولاحط بيتي بين عوج الدواويير & لالوّذ المنزل عريض البطانـي
ماني بخبلٍ ما يعرف المعابير& قدني على قطع الفـرَج مِرجعانـي
إن سندُوا حدرت يم الجُوافير &وان حـدّروا سنّـدت لمريغانـي
ناخذ بخيران المريبخ مسايير &ما دبّر المولى علـى العبـد كانـي






فرحل الى قبيلة الدواسر وعندما وصل اليهم اكرموه وأعزوه ¡وصادف ذات يوم ان اغار عليهم فرسان قبيلة عتيبة آخر النهار وكان عمر ذيب الرابعة عشرة من عمره وقد دربه أبوه على فنون القتال فشارك ذيب بالرغم من صغر سنه في الدفاع عنهم وعند مجاولة الخيل عند الابل منع الدواسر ابلهم وراحوا يطاردون المغيرين من قبيلة عتيبة وكانت الشمس قد غربت فدفع ذيب بجواده على فارس من قبيلة عتيبة كان في مؤخرة الفرسان فلكزه ذيب برمحه فرماه عن جواده فأخذ جواده غنيمة وكانت صفراء أي بيضاء اللون فغنم اجمل جواد في نجد وافضلها وكانت تسمى العزبة وعندما علم بها الأمير محمد بن سعود بن فيصل وعلم بها أمير حائل محمد بن رشيد ارسل كل منهما رسله يطلبون الجواد من شالح فاعتذر للرسل وقال لهم بصريح العبارة ان هذه الفرس اخذها ذيب من الأعداء وهي لا تصلح إلا له وانشد هذه القصيدة






يا سابقي كثرت علوم العرب فيكْ
عٌلوم الملوك مـن أولٍ ثـم تالـيْ
لا نيب بايع و لا نـي بِمهديـك
وانا اللـي استاهـل كـلّ غَالـي
وانتي من الثلث المحرم ولا اعطيـك
وانتي بها الدنيـا شريـدة حلالـي
ياما حَلَى خطوى القلاعَة تباريـك
افرح بها الدنيا الصديق الموال¡¡¡¡يْ
وياما حَلَى زين الندى في مواطيك
في عَثْعَثٍ توّه من الوسـم سالـي
ويا ما حلى شمشولٍ من البدو يتليْكْ
بقفر به الجـازي تربّـى الغَزَالـي
الخير كله نابـتٍ فـي نواصيـكْ
وادله ليا راعيـت زولـك قبالـي
بِالضيق لِوجيـه المداريـع نثنيـك
وعَجله وريّضه خـلاف التوالـي
حقك علّـي مـن البّـر أبّديـك
وَعَلى بدنك الجوخَ أحطّه جلالـي
أبيه عـن بـرد المشاتـي يدفّيـك
وبالقيظ احطك في نعيم الظلالـي
يا نافدا اللّي حصلك من مجانيـك
جابك عقاب الخيل ذيب العيالـي
جابك صبي الجُود من كف راعيك
في ساعة تذهل عقـول الرجالـي
يا سابقي نبـي نبعـد مشاحيـك
والبعد سلـم مكرميـن السّبالـيْ
يم الجنوب وديرِتِهِ نِنتِحـي فِيـك
لربعٍ من الأونـاس قفـرٍ وخالـيْ





وبعد أن قال هذه القصيدة رحل الى الربع الخالي وابتعد عن ابن سعود وابن رشيد لئلا يأخذا جواد ابنه قسراً ¡ وبعدها بدأ يلمع نجم ذيب وازدادت فروسيته حنى انه كان يسرح الابل في ناحية الخطر أي من الجهة التي كانوا يغيرون فيها الاعداءا ¡واصبح الجميع يخاف بطشه ويعجبون بفروسيته في نفس الوقت
ومما قيل عن شالح أنه اذا جلس في مجلسه بين الرجال ينادي ابنه ذيب فيأتيه البن البار مسرعا ثم يقبله أبوه كأنه طفل صغير وينفجر باكيا بعدها فلامه بعض رجال القبيلة على هذا فأجابهم شالح دعوني أبكي ذيب لان مثل ذيب لايمكن أن يعيش طويلا وأن عمره قصير لاسبتساله في المعارك والحروب فأنشد شالح هذه الابيات :






ما ذكر به حيّ بكى حـي ياذيـب
واليوم أنا بابكيك لو كنـت حيـا
وياذيب يبكونك هل الفطر الشّيب
إن لايعتهُـمْ مثـل خيـل المحَيّـا
وتبكيك قطعان عليهـا الكُوَاليـب
وشيال حمل اللـي يبـون الكفيّـا
وتبكيك وضحٍ علقُوهَـا دِبَابيـب
إن ردّدّتْ من يمّـة الخـوف عيّـا
ويبكيك من صكّت عليه المغاليـب
إن صاح بأعلى الصوت ياهل الحميّا!
ننزل بك الحزم المطرّف ليـاَ هِيْـب
إن ردّدُوهـن ناقليـن العصِـيّـا
انا أشهد انك بيننا منقـع الطيـب
والطيب عسـرٍ مطلبـه مـا تهيّـا






جنووووووووووووووبي

ومن قصص شالح وابنه ذيب ان اغارت عليهم فرسان الملك عبدالعزيز قبل بزوغ الشمس على ظعينتهم ولم يكن مع شالح سوى ذيب واخوته فتصدى لهم ذيب ببسالة متناهية وجندل عدد من فرسانهم وهزم الخيل بعد أن قتل الامير فهد بن جلوي ابن عم الملك عبدالعزيز (صاحب الشلفا ) التي حربتها لاتزال في قصر المصمك ويضا رمى ذيب بالامير تركي بن عبدالله بن سعود ان عم الملك عبد العزيز وجرحه بجنبه وجندل معه تسعة من الفرسان وبعد انتهاء المعركة رجع الفرسان واخبروا الملك عبدالعزيز عما جرى لهم وأنهم لم يسلموا من ضربات ذيب القاتلة وأخبرهم أنه لم يعلم أن هذه البل هي لشالح وطلب شالح وذيب للحضور عنده طبعا بعد أن عفا عنهم وأعطاهم الامان من جماعتهآل سعود وتوعدهم بأن لن يلمسهم أحد بسوء وسلم ذيب على الملك عبدالعزيز وقال كم كنت أتمنى بأن أرى هذا الشاب الشجاع وفعلا أكرمه الملك عبدالعزيز وبعدها أخذ شالح ينشد أبياتاً قائلا : إنك ياعبدالعزيز أفرحت علينا أعداءنا يقصد قبيلة عتيبة لانه يشعر انهم اعداؤه واعداء قبيلة قحطان والحروب كانت مستمرة آنذاك بينهم :





doPoem(0)

يا شخ فرحتوا علينا العداتي *** اللي بذمة حكمكم مـا يـدارون

غرتوا علينا الفجر قبل الصلاتي *** وحنا عددنا خمسةٍ أو بعد دون

من صلب أبوي وباللوازم شفاةِ *** ما هم فريق هديهد يوم ياتـون

يا نافذا اللي ما يضيع وصاتي *** ما يسند الا عقب طاعن ومطعون

سو على ركابة المكرماتي *** وبظهورهن يروي شبا كل مسنـون

ويلكد ملاكيد العديم الزناتي *** وياويلكم يللي بوجهـه تقيفـون

لاطاح شيخ القوم كنه وقاتي *** قامت عشايرنا تدارج على الهون

خلي عشا للجوع الحايمات *** من فعل ذيب اهل الرمك عنه يقفون

ياوالله اللي صار فيها حفاتي *** من ربعنا اللي ما نبي دونهـم دون

ما نلتحف من دونهم بالعباتي *** ولاتنوم عيوننـا الا ان ينومـون

يا شيخ لا تسمع كلام العداتي *** اسفه كلام المبغضه لو يقولـون

اطلب لحكمك بالسعد والثباتي *** بجـاه معبـود لبيتـه يحجـون

لعل ما يبكنك النايحاتي *** ياللي على عورات اهل نجـد مامـون

لقد اشتهر ذيب ببره لوالديه ووفائه مع اصدقائه وعطفه على جيرانه وكرمه الحاتمي .. وذات ليلة كان هو ووالده ساهرين ¡ وكان والده يداعبه ويلقي عليه بعض الأشعار فأنشد هذه الأبيات :





doPoem(0)

يا ذيب انا يا ابوك حلي تردّى *** وانا عليك من المواجيب يا ذيـب

تكْسِبْ ليَ اللّي لا قحٍ عِقْب عَدَا *** طويلة النسنوس حرشاعراقيـب

تجر ذيل مثل حبل المعـدّا *** وتبـرى لحيـرانٍ صغـارٍ حباحِيـب

واشري لك اللّي ركضها ما تقدا *** ماحدٍ لقى فيها عيوب وعذاريب

قبّا على خيل المعادي تحدّا *** مثل الفهد توثـب عليهـم تواثيـب

أنا أشهد انك باللوازم تسدّا *** وعزا الله انك خيرة الربـع بالطيـب

يا اللّي على ذيب السريا تعدا *** لو حال من دونه عيـال معاطِيـب

ليثٍ عَلَى قرب المراجل مقدّى *** ما فيك يا ذيب السبايا عذاريـب

عندما قال والده هذه الابيات بطريقة المزاح اسرها ذيب في نفسه وعندما نام والده ذهب لبعض أصحابه من الشبان وجمع منهم خمسة عشر شابا وسألوه الى اين نحن ذاهبون فقال الى ديار القوم وأشار الى قبيلة عتيبة لنكسب منهم ابلا لاهلنا وقال لابد أن آتي لوالدي من خيار ابل عتيبة وكان هناك شخص من قبيلة عتيبة يبحث عن صيد ومعه بندقيته وراى ذيب واصحابه فأطلق ناره عليهم فاصابت ذيب أصابة مميتة .. لقد حلت الكارثة الكبرى على الشيخ الطاعن بالسن شالح بن هدلان ¡انه فقد كل أمل في الحياة فقد كل ركن على وجه الأرض فقد الشجاعة فقد الابن المطيع وودع الخيل وصهيلها وبعدما سقط ذيب على الارض أناخ رفاقه مطاياهم وتسابقوا اليه وضموه الى صدورهم وانهالوا عليه بالقبل ووضعوه بكهف بجانب الوادي ورجعوا الى اهليهم وبعد أن ذهبوا جاء العتيبي وأصحابه ومعهم بنت من بنات القبيلة ويوم شافوه ماعرفوه ويوم شافته البنت قالت لهم ويلكم هذا ذيب بن شالح بن هدلان فغضبوا منها وقالوا انت تعرفيه فقالت لهم ان هذا من أفرس فرسان الخنافرة بقحطان وانه كانوا مجاورينه وكان يغض بصره ويجيهم بالصيد فعرفوه .. وبعدها قال شالح أشعـاراً كثيرة بعد وفاة ابنه ذيب وأول مـا قال هذه القصيدة :


doPoem(0)

يا ربعنا ياللّي على الفطّرَ الشّيب #عـزالله إنـه ضـاع منكـم وداعَـهْ

رحتوا على الطّوعات مثلِ العياسيب # وجيتُوا وخَلّيتوا لقلبـي بضاعَـه

خليتوا النّادِرِ بدارِ الاجَانيب #وضاقـت بـي الآفـاق عقـب اتساعـهْ

تكدرن لي صافيات المشاريب# وبالعون شفتَ الذل عقـب الشجاعـةْ

يا ذيب انا بوصيك لا تأكل الذيب #كم ليلـةٍ عشـاك عقـب المجاعـه

كم ليلةٍ عشاك حرش العراقيب #وكم شيخِ قُـومٍ كزتـه لـك ذراعـهْ

كفّه بعدوانه شنيع المضاريب # ويسقي عـدوه بالوغـي سـم ساعـة

ويضحَك ليا صكت عليه المغاليب # ويلكد على جميع العـدو باندفاعـهْ

وبيتِه لجيرانِه يشيّد على الطيب #وللضيف يبنـى فـي طويـل الرفاعـهْ

جرحي عطيب ولابقى لي مقاضِيب # وافخت حبل الوصل عقب انقطاعهْ

كني بعد فقِدِه بِحامي اللواهيب#وكني غريب الـدار مـا لـي جماعـهْ

من عقب ذيب الخيل عرج مهاليب #ياهل الرمك ما عاد فيهن طماعـه

قالو تطيب وقلت وش لون ابا طيب # وطلبت من عند الكريم الشفاعَـهْ

وقال هذه القصيدة الثانية ايضا على نفس القافية والوزن في رثاء ولده ذيب :



doPoem(0)

ذيب عوى وانا على صوته اجيب &ونتي جضت ضـواري سباعـهْ

عز الله اني جاهل ما أعلم الغيب &والغيب يعلم به حفيـظ الوداعـهْ

يالله يا رزاق عكف المخاليب & يا محصـيٍ خلقـهْ ببحـره وقاعـهْ

تفرِجْ لمن صابه جروحٍ معاطيبْ &وقلبه من اللوعـات غـادٍ وِلاَعِـهْ

إن ضاق صدري لِذْتْ فُوق المصَالِيب &مانيب من يشمت فعايل ذراعِهْ

صار السّبب منّي على مَنقعَ الطيب &ونجمي طمن بالقاع عقب ارتفاعهْ

ياطول ما هجّيتِهن مع لواهيب & ولانِي بَداري كسرها من ضلاعِـهْ

وياطول ما نوّختها تصرخ النّيب &وزن البيوت اللّي كِبـارٍ ربَاعـهْ

واضوي عليهم كنهم علي معازيبْ & إليا رَمَى زين الوَسايـد قناعـهْ

أبا انذر اللّي من ربوعي يبا الطيب & لاياخذ الا من بيوت الشجاعـهْ

يجي وَلدها مذرّبٍ كنّهَ الذيبْ &عزّ لبُـوه وكُـل مـا قـال طاعـهْ

وبنت الردى ياتي ولدها كما الهيب & غبنٍ لبُوه وفاشلَـهْ بِالجِماعـهْ

ياكبر زُوله عند بيـت المعازيـب & متحَـرّيٍ متـى يقـدّم متاعِـهْ

وبقي شالح حزيناً كظيماً يسهر أيامه ولياليه ولا يفارق نار قهوته , وذات ليلة وهو ساهر مع أحزانه كان شخص من قحطان يسمى الهويدي قد ضاع صقره واخذ يبحث عنه بالليل وكلما مر بنار ينادي من عين الطير ويروح ويجي على شالح وهو ما يعرفه ويوم شافه سلم عليه وقاله والله ما عرفت انك شالح وشرب القهوة عند شالح ¡و رد عليه شالح بهذه القصيدة على طيره اللي ينشد عنه :



doPoem(0)

إن كان تنشد يالهويدي عن الطيرْ

الطير والله يالهويدي غَـدَ لِـي

طيري عذاب معسكرات المسامير

إن حل عند اقطِيّهـن الجفالـي

إن جاء نهار فيه شرّ بـلا خيـر

وغدا لهن عند الطريح اجتوالِـيْ

إن دبرن خيل وخيـل مناحيـر

وغدن مثل مخزمـات الجمالِـيْ

على الرّمَك صيدهِ عيالٍ مناعيـر

وشره على نشر الحَريب الموالِـيْ

يرمي العشا لمعكفات الدناقيـر

وضاري بذبح مشوربين العيالـي

يضحك ليا صكّت عليه الطوابير

طير السعد قلبه من الخوف خالِيْ

خيّالنا وإن عرجـدنّ المظاهِيـر

وزيزوم عيرات طُواها الحيالِـيْ

غيثٍ لنا وان جت ليالي المعاسير

وبالشح ريفٍ للضعُوف الهزالِيْ

يسْقِي ثَراه من الروايح مزابيـر

تمطر على قبر سكن فيه غالِـيْ

هذا من الله كل شـيءٍ بتقديـر

جيت الوطا ومن أولٍ كنت عالي

لا شك أن طير شالح يصيد أفذاذ الرجال , رحم الله شالحاً وابنه ذيباً لانهما سجلا مفاخر قيمة لكل من كان يقطن نجد ..

وهذ بعد قصايد للشيخ شالح بن هدلان الله يرحمه...

ومن القصص اللي تعرض لها الشيخ شالح بن هدلان انه كان حلال وغنم ترعى بشعاب نجد ومع غروب الشمس كان به ذيب يرقب يم الصخور ويتقنص للغنم وعرف شالح انه يبي ياكل الغنم وراح شالح يشب النار وصار يطرد ورا الذيب لين أنحاش الذيب وعقب ما انحاش الذيب تهيض قلب شالح وهذا الذيب الله يصلحه مادرى انه قلب المواجع على شالح في ابنه ذيب ورجع يتذكر ابنه ذيب اللي كان ميت بفترة بعيدة ومانسته الايام ذيب اللي كان يشرب الموت قطرة قطرة ما هوب مثل الذيب اللي انحاش من النار وينشد شالح :



doPoem(0)

الذيب والله يا هل الضان ذيبي&والا فذا ذيبٍ عدتـه الحوامـي

ذيبي يدنا له من الهجن شيبي&ويرقع حفاها عقب وقت الصرامي

يدني لها من كل غمرٍ عريبي & يتلونه العربان شـرقٍ وشامـي

ذيبي عذاب مشعثرات السبيبي& ويفكها لاجار نهار الزحامـي

عند المجيذم حل يومٍ رعيبي &بين الدواسر مـع سبيـعٍ ويامـي

ذيبي نها الكون ضد الحريبي& لما اغتشى قب السبايـا عسامـي

من شبته ما حسني في مشيبي&الا ايبشرنـي بعشـوا السنامـي

ياذيب والله ما حملك النصيبي& مير اغد يا ذيب الخلاء بالاسامي

هذه القصيدة قالها شالح يمدح قبيلة آل روق قحطان وهم أهل للمدح :



doPoem(0)

يا ونتي ونة معيدٍ درزها *** سواقها عبـدٍ بمطـرق خـزازي

لاجات تبرا علقوها سبرها *** غير الجرب قد خيشرت بالنحازي

على بني عمٍ تقازع شهرها *** ودروعها مثل الحزوم النـوازي

اولاد روقٍ لو عمّس بصرها *** لاشك لهم فاضيق دلو الفرازي

وهالحين هذه السالفة اللي صارت لشالح بن هدلان تجاور شالح بن هدلان وضافر الحوير من المشاعلة من قحطان ويوم من الايام غزو ثنينهن على قوم من المعادين عليهن وبارداة الله جاء اهلهن من عقبهن مرض الجدري وتوفى كثير من ربعهن لان الجدري كان من الامراض المعدية وما توفر له علاج هاك الوقت ويوم عودوا لربعهن لقوا حريمهن توفن من هالمرض وقال شالح يالحوير ترى المراة تحاد على زوجها اكثر من أربع شهور وانا واياك نبي نتفق على اربع سنين مانتزوج لان زوجاتنا ما مثلهن في الحريم كلهن وانهن غريبات في جمالهن وطباعهن ويوم قضوا المدة تزوج الحوير بنت ابن عبود بن المسعود وعاش معها حياة سعيدة اما شالح تزوج وطلق ثم تزوج وطلق وما لقى من تعوضه بزوجته الاوله ويوم قابل الحوير وهو ينشده : كيف حالك مع زوجتك الجديدة فقاله الحوير : حالك وفالك يقصد أن اموره زينه فرد عليه شالح بهالابيات وانا صراحة القصيدة ماتحضرني كلها :



doPoem(0)

لا واهنيك يالحوير هنياه *** يوم انت في شوقك لقيت البدايـل

وانا وليفي ما لقيت جلاياه *** لو دوجوا بي في قفـارٍ وحايـل

وليفي اللي كلما جيت ابنساه *** دعوا سميه ذاهبيـن الحمايـل

يفز قلبي كل ما أوحيت طرياه *** فز المحيب من خشوم الفتايـل

قلت أظهره يالقبر لين أتحلاه *** حال اللحد من دون سمر الجدايل

ياطول ماني في ذرا البيت واياه *** من بيننا ينثر جثيل الجدايـل

قال انت شالح قلت له ايه انا اياه *** قال انقلع لاعاد عندي تخايل

مادام في شقراء دلالٍ مراكاه *** ومادام في الحوطة غروسٍ ضلايل

ومادامت الحضران للبر تذراه *** ومادامت البدوان تقني الرحايل

ومادامت الحجاج للبيت تنصاه *** ومادامت الحكام تفني الاصايل

كن الزياد الخلص داخل شفاياه *** من مبسمٍ ما يدهله كل سايل

وأن شاء الله راح تكون هنــاك اضافات تخص الشيخ شالح بن هذلان رحمه الله

جنووووووووووووووووووووبي

مااااااشاااااء الله عليك يالجنوبي

قصص وقصايد روعة للشيخ شالح بن هدلان القحطان يرحمه الله

سلمت وما قصرت

تقبل تحياتي

أختك

حــــ الإمارات ـــور

الله يعاافيك تسلمي حوووور على الطلااااااااااااااااات الحلووووووووووووووه الجميله



مشكووووووووووووره الف شكرررررررررررررررررر




تحياااااااااااااااااتي


جنوووووووووووووووبي