الموضوع: دق الطبول

[frame="1 50"][align=center]دق الطبول يـا بوش ما احنـا اللى نستاهل
راحت دمانا فاشوش فى اليم والساحل
ولا ميت عراق هتحوش طول ما احتا بنتساهل
وزع علينا جيوش والحقنا يا عاقل
دق الطبول يا بوش وبلاش تكون جاهل

*******

عهد السلام أنتهى بإدين معاليكا
لعبة مخطط لها من ماما أمريكا
وانا قلت يوم انها فى الاصل تلكيكه
علشان نسينا الغضب تهنا فى تفكيكه
بيعلومنا الادب نهاوند او سيكا
اخر ولاد العرب تايوانى يا ويكا

*********

سيب علينا كلابك واطلق تعابينك
زود كمان ارهابك نوع تفانينك
لا قدرنا فى يوم نشجبك ولا حتى هندينك
لا عرفنا ليه بنطلبك ولا طفنا بعرينك
كل الحكاية اننا رافضين لتابعينك
دمك ماهوش دمنا ولا دينا من دينك

*********

دق الطبول يا كبير يا معلم الارهاب
دق الطبول فى الدير وكنيسة الاعراب
دير البلح للزير وانته على السياب
نادى وقول يا بلير واسعوا لشرع الغاب
يوسف ما هوش فى البير وانتوا على الابواب
وايش تعمل المغاوير بين الضروس والناب
دق الطبول يا بوش[/align][/frame]