الموضوع: من روائع الشاعر الكبير فهد بورسلي00

بســم الله الرحمـن الرحيـم

يسرني ان اقدم لكم اليوم قصيدتين من روائع الشاعر الكويتي الكبير فهد بورسلي (رحمه الله)

..............................00 سلمولي على اللي 00.........................................

سلمولي على اللي سم حالي فراقه===حسبي الله على اللي حال بيني وبينه

قايد الريم تاخذني عليه الشفاقه===ليتني دب دهري حيسة في يمينه

آه واقلبي اللي راح من سراقه===تل عرق الموده وانقطع في يمينه

لي ذكرت الليالي اللي مضت والصداقه===عود القلب يرجف مثل رجف المكينه

عقب ماهو نديمي صار شوفه شفاقه===الله اكبر على اللي عشر واربع سنينه

اشتهى عشرتي وانا عشقته عشاقه===في زمان مضى واليوم ويني ووينه



............................00 جزى البارحه 00............................................

جزى البارحه جفني عن النوم===جزى من غرابيل الزماني

صبرت امس قبل امس واليوم===واشوف العشر تصفى ثماني

عذاب على العشاق مقسوم===تولعت يوم الله بلاني

يلزم علي الشوق تلزوم===وانا يوم لزمته عصاني

سقيم الهوى مايسمع اللوم===حنين الجفا سد الاذاني

شريف على التكيات مخدوم===ولاهو من الطرز الجباني

طريح عن اللذات محروم===صوابه خطر بين المحاني



رحم الله الشاعر الكويتي الكبير فهد بورسلي واسكنه فسيح جناته


اتمنى من الله ان تحوز على رضاكم واستحسانكم

تحياتي

[glint]غــــــــالى[/glint]