الموضوع: الوقايه خير من العلاج

[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
الوقايه خير من العلاج




ياويل من شهب الليالي حـدته = على طريقٍ مايعْرْف نهايته
فأمّا يبيّن في الشدايد شدته = ويسير في حفظ الولي ورعايته
وإلاّ يحك إذنه ويلطم خدته = ويموت حسره مايحقق غايته
وانا شديدٍ والليالي ودته = على نهايات الحلا وبدايته
لبّا العيون اللي نظرها لدته = صوبي وخلاّ القلب يرفع رايته
استسلم الخفاق لللي شدته = وصارت حروف كتابته وقرايته
ماتبني بخطوه بخطوه هدته = على هوى الوالي تسير ولايته
تجلس على عرش الجمال وسدته = وإن للجمال اّيه فهذي ايته
الله وأعلم وجهها لا بدته = تو المرايه وش علوم مرايته
وإلا اش علوم الشاعر ومسودته = لاصار هاجوس القصايد شايته
فكره يقدّيها وفكره قدته = واللي يقديها تحب غوايته
ساقه غرامه والكرامه ردته = مايتبع المقفي ويطرد فايته
ياللي ثنت حبل الغرام ومدته = وين اليتيم ووين حق وصايته
صكات بقعا في غيابك ضدته = وأصبح قضيّة راويٍ بروايته
ومن عشته سود الصدوف وغدته = ماضـيّع أهدافه بجنب هوايته
ويصد عن من له يبيّن صدته = خيرٍ من علاج المريض وقايته


[/poem]