الموضوع: وفاة امير القلوب

صباحك يا الأحد مظلم كئيب وهادم اللـذات
أخذ منا عزيز الشان رجلٍ سيرتـه عطـره

فجيعه والفجيعه من سبابها طاحت الرايات
لاكن الطيب والناموس باقي شامخ بقصره

رحل عنا جسد جابر وذكره حي لا ممـات
يبا يبقى عزيز وكل شعبـه حافـظٍ قـدره

مسيرة ربع قرن اللي حكمنا صامل الوقفات
تخطى فالبلاد أحنك ظروفٍ جايره خطـره

سياسه وأقتصاد وشيخةٍ معها كرم مـدات
وطيبة قلب واحساس الأبوه فيه بالفطـره

مسيرة حافلة ياسيدي تطويـر وأنجـازات
مأثر يعجز التاريخ عن حفظه وعن حكـره

بكت كل اليتامى والأرامل جابـر الخيـرات
بكاك العز وأبكتنا دموع الشعـب والأسـره

بكت دار المسنين وبكت كل الوفود وجـات
بكى الطفل الصغير الا بكى العالم لك أبأسره

رحمك الله ياأميرٍ عطوفٍ حتى في الشـدات
عسى الله يرحمه ويشع نورٍ يضوي بقبـره

عسى الله يرحمك ياأميرنا وتعيش في جنات
تحرًم عن جسدك النار ربي تلطًـف بأمـره


رحمك الله ياشيخ الشيوخ وجابر العثـرات
من الي يجبر أقلوبٍ على فرقاك من كسـره

عليك العالم أبأسره حزين إيذاود العبـرات
وشعبك في عيونه بانت الأهات والحسـره
__________________




قدساوي