الموضوع: لا تـــــنـــــــشـدونــــــ ـي....................

لا تنشدوني بحبه ليش مجـنونه
وشلون حبه لحد الطيش وصلني
هوليه لصاروا العربان يطـرونه
افزله وانحكوا باسمـه يبـهذلني
غالي وانا فيه هيمانه ومفـتونه
يستـاهل الحب كله لو يـغربلني
من يوم شفت الغلا والود بعـيونه
وشفـت ذاك الغلا حتى مـدللني
ماخاب ظني ولا خابت به ظـنونه
امـلت قـلبه وقلبه فيه امـلني
لو شفتوا شلون هرجه ماتـملونه
كان ان ذهـلتوا مثل ماهوب مـذهلني
الله يـاحلو همـساته ابمكـنونه
انا اشـهد انه بهرجه ما يمللني
حتي لو اخطي عليه بحق مضنونه
لا رحت يمه وهو زعلان قابلني
مـاصـد عني ولو ناسـه يعذلونه
شغلت قلبه وحبه هو مشغـلني
حـلفت ما ابدله لا..لا..ولا اخـونه
وهو حلف ما يخون ولا يبـدلني


بنـــــــــت البـــــــــاديه


")(