الموضوع: قمّة الإحراج تبي تضحك ادخل

27) 27) 27) 27) 27) 27) 27) 27) 27) 27) 27) 27) 27) 27) 27) 27) 27) 27)
ـ(بســــ الله الرحمن الرحيم ـــــم)ـ
السلام عليكم ورحمة الله وبركاته....
اما بعد...
بقولكم موقف من جد احرااااااااااااج انشاء ما تطيحون فيه مثل ما انا طحت
فيه المهم قبل اربع سنين كنت في صف ثاني متوسط وكنت مفصل ثوب جديد وفرحان
المهم اني حطيته بغرفه امي كانت تقفلها دايم (هذا قبل الدراسه) المهم امي
سافرت قبل لا تبدا الدراسه بسبوع وقبل الدراسه بيوم كانت بتجي بس ما لقت
حجز وقالت ابجي بكره (يعني يوم السبت) وانا توهقت ثوبي مقفل عليه بالغرفه و
المفتاح معها المهم ابكسر الباب بس اخاف ابوي يكسر راسي واخوي يقولي ما
عليك اول يوم غيب وانا ودّي اغيب بس ابوي ما يرضى يتوطى في بطني لو اغيب
ولو يصيدني الساعه11 بالظهر يوديني المدرسه المهم اني ما لقيت ثوب بالاخير
لقيت ثوب لي من السنه اللي طافت وتقوسته وطلع قصير وافكه (من الكبنه) من
تحت واروح الخياط والقاه مقفل وزاد الامر توهيق المكينه اللي عندي خربانه
ما تخيّط والله واحصل مسدس صمغ وامسك الثوب واصمّغه من تحت ويطلع مكسر نفس
الفساتين واروح واكويه من تحت ويطلع الصمغ وااااضح يفشّل المهم اني رحت
المدرسه وآآآآخر واحد دخلت المدرسه وعلى طول شكلّت العيال ولا سلمت على
احد من الاحراااااج وقعدت آآآخر واحد بالصف وحتى الفسحه ما طلعت وشوي في
مدرس يعرفني قال سلطان تعال ابيك وانا اصرّفه اقوول يستاد والله اني
مريض مقدر اجيك انت تعال وقال بصوت عالي تعاااال قلت طيب واجيه وانا
منحرج واشوفه يطالع ثوبي من تحت وقال كيف حالك قلت بخير قال طيب روح
مكانك ورحت .
.................................................. .............................................
ـ(بســـ الله الرحمن الرحيم ــــم)ـ
السلام عليكم ورحمة الله وبركاته...
اما بعد.....
هذي قصه من جد احرااااج لا قمّة بالاحراااااج صارت قبل سنتين.
كنت اطلع مبارة بالمدرسه ومتكي على الرصيف بالفسحه وقاعد انا والشباب
ومدري انا موية المكيف تنقط على ظهري وعلى الارض وكل جاء على من بد الشباب
اللي معي المهم ان ثوبي مع نهاية المباراة امتلى مويه من ورى وانا صف اول
ثانوي ما احب شي اسمه استاذان مو لان ابوي ما يرضى هذاك اول المهم عندي
بدله بالصف لان كان علينا رياضه بذاك اليوم ولبست البدله ومافيه الا انا
بالمدرسه لابس بدله من بد 900 طالب والله ويقوم تحفيل علي يالمصري ووين انت
خت المدرسين اللي جو قالوا سلطان انت وين قاعد واقولهم السالفه ويقولون
خلاص اقعد والله بذاك اليوم محد مشى معي كلهم يقولون تعال بكره كنّي اطرهم
وجاااء وقت الصلاه اللي فيه يجتمعون كل المدرسه تحت من جد احرااااج وانا
راز وجهي ببدلة رياضه واصلي حفله من جد والله بذاك الوقت كان ودي ان الارض
انشقت وابلعتني شوي على وجهي انه صار احمر من الاحرااج هذي القصه اللي ما
في امل انساها بس الحمد لله محد يذكرها الحين بالمدرسه وانا اذكرهم بس
يقولون ما نذكر لاني ما كنت اعرف ناس كثير ومن بعدها ما صرت اقعد تحت
مكيفات حتى بطلت اشوف مباريات المدرسه.
.................................................. ............................................
ـ(بســـ الله الرحمن الرحيم ــم)ـ
السلام عليكم ورحمة الله وبركاته....
اما بعد...
هذي سالفه ما فيها احراج بس استعجال.
كنت انا واربعه من الشباب راحين نصلي وصلنا بعد الصلاة وندور ناس يصلون
وشفنا واحد يصلي لحاله بآآآآخر المسجد قلنا بس لقينا اللي يصلي فينا
ونرووووح واحد ورى الثاني نصلي ورى الرجال ركع وركعنا ورفع من الركوع
ورفعنا وهو ما يتكلم وحنا نصلي معاه نحسب انه يصلي الفرض ويسجد وسجدنا
وطولنا نحسب انه ما قام من السجود ولما قمنا لقيناه يركع الركعه الثانيه
وحنّا بالسجود ودرينا انه يصلي السنه وصلينا مع واحد ثاني وراح كل واحد
لبيته.
.................................................. ................................
")( !!!!!!!ملاحظه!!!!!!
ترى كل المواقف من صدق .
7)7)7)7)7)7)7)7)